XX. mendeko Euskararen Corpus estatistikoa

Testuingurua

1. HIZKUNTZ TAILERRA

Azken xedea

Zenbat alditan begiratu behar izaten dugun hiztegian hitzen bat nola idazten den edota zer esan nahi duen jabetzeko! Zenbat aldiz aztertu behar izaten dugun hitz-konposaketak egiteko euskarak zein bide dituen! Zenbat aldiz, serio-serio jarrita, egon behar izaten dugun arau gramatikalaz ondo jabetu nahian!

Oraingo honetan, ordea, guztiz kontrakoa proposatuko dizuegu: Zorotariko Euskal Hiztegia osatzea; hau da, hiztegietan aurkitu ezin diren hitzak asmatu eta esanahia zehaztea hartuko dugu helburu.

Bidezko ikusten baduzue, gainera, zuen ikasgelan osatutako hiztegia Esaizu darabilen beste ikastetxe bateko talde bati bidal diezaiokezue eta, bide batez, haiek egindakoa zeuek jaso.

LAN-PROZEDURA: Tailer honetan zehar honako hauek egingo ditut:

- Hitz berriak asmatu eta berauen esanahia eman. / - Hizkuntza ezberdinetako hitzekin hitz berriak osatu. / - Ikaskideek asmatutako hitzez eta definizioez iritzia eman eta hobetzen saiatu. / - Ikasgelako Zorotariko Euskal Hiztegia osatu. / - Ikasgelako hiztegia beste ikastalde bati igorri eta beraiena jaso.